Mae parc gwyliau Plas Coch, Ynys Môn yn ymfalchïo mewn moethusrwydd 5-seren wedi’i amgylchynu gan olygfeydd hardd a braf gyda golygfeydd ar hyd yr arfordir, i Eryri a thu hwnt. Yn drysor i’r ynys ei hun, mae Plas Coch wedi ei gynllunio i roi cyfleoedd diddiwedd i ymwelwyr a phobl ar eu gwyliau i ddatgelu hyd yn oed fwy o emau Môn.
Mae Land and Lakes yn gwmni sy’n datblygu lleoedd hamdden a phreswyl fel neb arall. Mae eu hethos yn seiliedig ar warchod tirweddau naturiol wrth gyflwyno etifeddiaeth sy’n adfywio cymunedau lleol a gwella’r economi.
Mae eu gweledigaeth ddiweddaraf yn ymestyn ledled glannau Môn lle maent yn cynllunio i ddatblygu lle gwyliau a phentref hamdden cyfeillgar gyda thai preswyl cysylltiedig ger Caergybi ar Ynys Cybi. Gyda’u hestyniad newydd, bydd Land and Lakes yn rhoi llety effeithlon ac yn ateb i drafnidiaeth nifer sylweddol o weithwyr a fydd yn adeiladu a gwasanaethu yng ngorsaf bŵer newydd Wylfa rhyw 12 milltir i ffwrdd. Read More
Teflir mil o hwyaid plastig melyn i’r Afon Fenai yn ‘Ras Hwyaid RibRide’, a gaiff ei chynnal rhwng y pontydd ar ddydd Sul, 23 Awst 2015, o 11.30am. Noddwch Hwyaden am £2 o swyddfa RibRide neu galwch yn stondin SG21 RibRide, ger Pier San Siôr, yng Ngŵyl Bwyd Môr Menai ar ddydd Sadwrn, 22 Awst.
Dywed Phil Scott, Teithiau Cwch Antur RibRide: “Llynedd bu i ni godi £900 i Gymorth Canser Macmillan. Mae ein noddwyr gwobrau wedi rhoi pedair gwobr wych eleni ar gyfer yr enillwyr. Roedd yn hwyl gyrru’r hwyaid ar eu hantur ac yn dipyn o her i bigo pob hwyaden i fyny wrth iddynt lifo o dan Bont Menai. Llwyddodd rhwydi mawr a dyfalbarhad i ni fedru dal pob hwyaden a chodi arian ar gyfer elusen sy’n agos iawn at fy nghalon.” Read More
Mae Clwb Hwylio Brenhinol Ynys Môn yn falch iawn o fod yn rhan o Ŵyl Bwyd Môr Menai am y tro cyntaf eleni gan gynnal ras hwylio glasurol ym Mhorthaethwy gyda sylwebaeth a lluniau camera’n cael eu darlledu’n fyw i wylwyr.
Camwch yn ôl mewn hanes a gwylio’r cychod clasurol bendigedig hyn yn hwylio ar y dŵr. Cawsant eu hadeiladu bron i ganrif yn ôl. Y ddau ddosbarth o gwch a fydd yn rasio fydd y Fife One Design a’r Menai Strait One Design (MSOD), a ddyluniwyd yn arbennig ar gyfer rasio yma yng Ngogledd Cymru. Cafodd y First Fife ei greu yn yr 1920au a’r MSOD cyntaf yn yr 1930au, pan oedd hwylio ar ei anterth. Fel clwb rydym yn falch o fedru rhannu ein hangerdd tuag at ein hamgylchedd naturiol a’r brwdfrydedd tuag at y cychod hwylio godidog hyn. Read More
Mae Bwyty’r Bull ym Miwmares wedi datblygu enw da o ran cynnig profiad bwyta o’r radd flaenaf a chofiadwy wrth ddefnyddio cynnyrch lleol o lannau Ynys Môn. Yn dilyn tair gwobr rhoséd AA, mae galw mawr i archebu bwrdd yn y bwyty ysblennydd hwn a allai olygu nad ydych wedi manteisio ar giniawa yn y Bull tan yn awr.
Fel rhan o Ŵyl Bwyd Môr Menai, bydd y Bull yn cynnal eu bwyty ‘gwib’ eu hunain gan roi cyfle i nifer cyfyngedig o ymwelwyr lwcus brofi eu bwydlen nos gan ddod â dŵr i’ch dannedd wrth edrych ar olygfeydd trawiadol y Fenai. Gyda bwydlen 7 cwrs grefftus, yn defnyddio dim ond y cynhwysion lleol o’r ansawdd uchaf, gyda chyfeiliant cerddoriaeth fyw a lleoliad mawreddog Pier y Tywysog ym Mhorthaethwy, bydd y byrddau’n llenwi mewn chwinciad, mae hynny’n sicr. Read More
Os ydych yn chwilio am argymhelliad ar gyfer diwrnod allan llawn hwyl i’r teulu, fel arfer ni fyddech yn trafferthu edrych ymhellach na trip advisor am ychydig o adolygiadau ‘di-flewyn ar dafod’ gan unigolion o’r un meddylfryd Felly mae Rib Rides ym Mhorthaethwy yn eich annog i fynd ar safle trip advisor yn awr a darllen yr adborth am eu teithiau cychod antur a phenderfynu dros eich hun os ydych yn dymuno ‘rhoi cynnig arni’.
Diolch i’r adborth canmoliaethus gan eu gwesteion, mae Rib Rides wedi derbyn dros 300 o adolygiadau rhagorol yn cyfeirio at eu teithiau cwch sy’n gwibio i fyny ac i lawr y Fenai. Read More
Dyma ychydig o adolygiadau gan ymwelwyr Gŵyl Bwyd Môr Menai yn ystod y blynyddoedd sydd wedi mynd heibio:
“Hoffwn longyfarch bob un ohonoch am ddiwrnod wedi’i drefnu’n rhagorol ddoe – llwyddoch i gynnwys y gymuned leol gyfan a denu torfeydd o ymwelwyr ac roedd y dalwyr stondinau yn gwneud masnach ffyniannus, llwyddiant i bawb!” – Maggie Roberts
“Dim ond eisiau dweud da iawn pawb! Cawsom ddiwrnod gwerth chweil yn yr Ŵyl, awyrgylch gwych, bwyd gwych, a stondinau gwych! Roedd y bwyd ffres yn anhygoel, yr arddangosiadau coginio yn ysbrydoliaeth ac roedd yna fwrlwm yn yr holl ddigwyddiad. Roedd pawb i’w gweld yn hapus (roedd y tywydd o’n plaid) ac fe adawom yn grediniol, mi fyddwn yn ôl y flwyddyn nesaf. Yn amlwg roedd llawer o ymdrech a pharatoi wedi’i wneud ymlaen llaw; roedd y canlyniad yn dweud y cyfan.” – Nick a Raid Rushbrooke
“Da iawn! Diwrnod penigamp. Wedi’i drefnu’n dda iawn, llawer o bethau gwych i’w gweld a’u blasu. Llongyfarchiadau i bawb!” – Rebecca Whitfield
Ond peidiwch â chymryd ein gair ni yn unig! Dewch draw i’r ŵyl eleni ar ddydd Sadwrn 22 Awst 2015 a chanfyddwch drosoch eich hun.
Mae Gŵyl Bwyd Môr Menai, yn awr yn ei thrydedd blwyddyn, yn gyflym yn dod yn ddigwyddiad pwysig y nghalendr bwyd Môn. Nid yw eleni yn eithriad wrth iddi gydweithio am y tro cyntaf gydag Wythnos Forol Môn (17-23ain Awst) i gefnogi a dathlu y gorau o fwyd môr lleol, cadwraeth morol a threftadaeth arfordirol gogledd Cymru. Read More
