Local Community

Gŵyl Bwyd Môr Menai 2015: môr o bobl er gwaetha’r glaw!

Daeth y nifer mwyaf erioed o ymwelwyr i Ŵyl Bwyd Môr Menai a gynhaliwyd am y drydedd flwyddyn yn olynol er gwaetha’r glaw.

Thank you to We Are Anglesey for the photographs. https://www.facebook.com/WeAreAnglesey

Thank you to We Are Anglesey for the photographs. https://www.facebook.com/WeAreAnglesey

Mae Gŵyl Bwyd Môr Menai, a gynhaliwyd ym Mhorthaethwy, Ynys Môn ar 22 Awst, yn dathlu’r amrywiaeth o bysgod a bwyd môr sydd ar gael yn rhwydd ar lannau Gogledd Cymru gydag arlwy anhygoel o stondinau bwyd blasus, stondinau celf a chrefft, arddangosiadau coginio a cherddoriaeth fyw.

Dywedodd Phil Austin, Cadeirydd Gŵyl Bwyd Môr Menai, “Daeth y nifer mwyaf erioed i’r ŵyl eleni er gwaetha’r tywydd eithaf garw. Bu cynnydd sylweddol yn nifer y gwerthwyr bwyd lleol gyda hyd yn oed mwy o sylw’n cael ei roi i fwyd môr lleol. Chwyddodd ôl troed y digwyddiad i gynnwys sawl pabell fawr yn cael eu defnyddio gan Westy’r Bull Biwmares, Chateau Rhianfa a Grŵp Gweithredu Lleol Pysgodfeydd Gwynedd a Môn (FLAG). Bu’r arddangosiadau coginio’n llwyddiant ysgubol yn ogystal â ras chwibanoglau Clwb Hwylio Brenhinol Ynys Môn o Bier y Tywysog am y tro cyntaf erioed.”

Mae Gŵyl Bwyd Môr Menai yn ddigwyddiad cwbl rad ac am ddim ac mae ei llwyddiant yn dibynnu ar gymorth gan wirfoddolwyr a chefnogaeth gan fusnesau lleol. Eleni, rhoddwyd gwerthfawrogiad i Westy’r Bull Biwmares, Chateau Rhianfa, RibRide, Land and Lakes a Phlas Coch am ariannu’r digwyddiad fel y noddwyr platinwm; gyda Chyngor Sir Ynys Môn yn darparu cymorth rhagorol yn ariannol ac yn weithredol unwaith eto eleni.

Dywedodd Phil Scott o Deithiau Cwch Antur RibRide a Chadeirydd Fforwm Twristiaeth Gogledd Cymru, “Bu’r Ŵyl Bwyd Môr yn wych; daeth llwyth o bobl a bu’n ddigwyddiad penigamp nid yn unig i Ynys Môn ond yn ddiwrnod allan pleserus iawn i dwristiaid a phobl leol fel ei gilydd. Roedd ein teithiau arbennig ar gychod RibRide wedi gwerthu allan erbyn amser cinio a chynhaliwyd y teithiau bob 15 munud nes bron â bod yn 6pm. Mae pawb wrth eu boddau’n mynd o dan y pontydd a gweld ein hynys brydferth o’r Fenai.”

Yn ogystal, dywedodd David Robertson o fwyty enwog, arobryn y Bull Biwmares, “Roedd hi’n wych cael bod yn rhan o’r digwyddiad anhygoel hwn am y tro cyntaf. Roeddem yn falch iawn o’r cyfle i arddangos cynnyrch Ynys Môn o’r radd flaenaf a safon y Bull Biwmares. Diolch i drefnwyr yr ŵyl am eu gwaith caled ac i bawb a ymunodd â ni ar y diwrnod.”

Thank you to We Are Anglesey for the photographs. https://www.facebook.com/WeAreAnglesey

Thank you to We Are Anglesey for the photographs. https://www.facebook.com/WeAreAnglesey

Bu hefyd cynrychiolaeth gan yr elusennau sy’n helpu i gynnal harddwch naturiol glannau Ynys Môn wrth gefnogi ein cymunedau pysgota. Roedd RNLI Porthaethwy’n rhoi cyfle i’r cyhoedd gefnogi’r elusen a dysgu rhagor am waith y sefydliad sy’n achub bywydau. Dywedodd Alex Marjoram o RNLI, “Bu’r croeso a gafodd yr RNLI yng Ngŵyl Bwyd Môr Menai yn galonogol gyda thros ugain o aelodau’r cyhoedd o’u gwirfodd yn dewis i fod yn gefnogwyr rheolaidd newydd i’r elusen. Rydym yn edrych ymlaen at fynd y flwyddyn nesaf.”

Mae tîm Gŵyl Bwyd Môr Menai wedi’u canmol gan aelodau o’r cyhoedd am drefniadau di-fai’r ŵyl ac am ddarparu achlysur sy’n uno’r gymuned gyfan. I lawer yn Ynys Môn a’r ardaloedd cyfagos, mae Gŵyl Bwyd Môr Menai bellach wedi dod yn ddyddiad pwysig yn y calendr sy’n rhy dda i’w golli. Gyda pharatoadau eisoes ar y gweill ar gyfer 2016, heb os nac oni bai ni fydd digwyddiad y flwyddyn nesaf yn eich siomi!

Best interactive charity awarded to the Owl Rescue

Mae\\\’n ddrwg gen i, does dim ar gael yn Gymraeg

Cerddoriaeth ar Bier Sant Siôr drwy’r dydd! Dewch draw!

10am – 11am –  Menai Brass Band

11.15am – 11.45am – Bloco Swn

12 – 1pm – Menai Brass Band

2pm – 3pm – Pon’ Bro

3pm – 4pm – Fleur De Lys  

4pm – 5pm – Y Boncathod

MBB       FDL     Bloco-swn-logo

Paradwys Belagig, Plas Coch: Prif Noddwr Gŵyl Bwyd Môr Menai 2015

Mae parc gwyliau Plas Coch, Ynys Môn yn ymfalchïo mewn moethusrwydd 5-seren wedi’i amgylchynu gan olygfeydd hardd a braf gyda golygfeydd ar hyd yr arfordir, i Eryri a thu hwnt. Yn drysor i’r ynys ei hun, mae Plas Coch wedi ei gynllunio i roi cyfleoedd diddiwedd i ymwelwyr a phobl ar eu gwyliau i ddatgelu hyd yn oed fwy o emau Môn.

plas coch Read More

Cyflwyno Land & Lakes fel un o Brif Noddwyr Gŵyl Bwyd Môr Menai 2015

Mae Land and Lakes yn gwmni sy’n datblygu lleoedd hamdden a phreswyl fel neb arall. Mae eu hethos yn seiliedig ar warchod tirweddau naturiol wrth gyflwyno etifeddiaeth sy’n adfywio cymunedau lleol a gwella’r economi.

Llyn Y Dywarchen a fishing lake in summer in Snowdonia National Park North Wales

Mae eu gweledigaeth ddiweddaraf yn ymestyn ledled glannau Môn lle maent yn cynllunio i ddatblygu lle gwyliau a phentref hamdden cyfeillgar gyda thai preswyl cysylltiedig ger Caergybi ar Ynys Cybi. Gyda’u hestyniad newydd, bydd Land and Lakes yn rhoi llety effeithlon ac yn ateb i drafnidiaeth nifer sylweddol o weithwyr a fydd yn adeiladu a gwasanaethu yng ngorsaf bŵer newydd Wylfa rhyw 12 milltir i ffwrdd. Read More

Ras Hwyaid RibRide 2015 – Pont Britannia i Bont Menai

Teflir mil o hwyaid plastig melyn i’r Afon Fenai yn ‘Ras Hwyaid RibRide’, a gaiff ei chynnal rhwng y pontydd ar ddydd Sul, 23 Awst 2015, o 11.30am. Noddwch Hwyaden am £2 o swyddfa RibRide neu galwch yn stondin SG21 RibRide, ger Pier San Siôr, yng Ngŵyl Bwyd Môr Menai ar ddydd Sadwrn, 22 Awst.

Dywed Phil Scott, Teithiau Cwch Antur RibRide: “Llynedd bu i ni godi £900 i Gymorth Canser Macmillan. Mae ein noddwyr gwobrau wedi rhoi pedair gwobr wych eleni ar gyfer yr enillwyr. Roedd yn hwyl gyrru’r hwyaid ar eu hantur ac yn dipyn o her i bigo pob hwyaden i fyny wrth iddynt lifo o dan Bont Menai. Llwyddodd rhwydi mawr a dyfalbarhad i ni fedru dal pob hwyaden a chodi arian ar gyfer elusen sy’n agos iawn at fy nghalon.” Read More

Mae Clwb Hwylio Brenhinol Ynys Môn rhan o Ŵyl Bwyd Môr Menai 2015

Mae Clwb Hwylio Brenhinol Ynys Môn yn falch iawn o fod yn rhan o Ŵyl Bwyd Môr Menai am y tro cyntaf eleni gan gynnal ras hwylio glasurol ym Mhorthaethwy gyda sylwebaeth a lluniau camera’n cael eu darlledu’n fyw i wylwyr.

RAYC

Camwch yn ôl mewn hanes a gwylio’r cychod clasurol bendigedig hyn yn hwylio ar y dŵr. Cawsant eu hadeiladu bron i ganrif yn ôl. Y ddau ddosbarth o gwch a fydd yn rasio fydd y Fife One Design a’r Menai Strait One Design (MSOD), a ddyluniwyd yn arbennig ar gyfer rasio yma yng Ngogledd Cymru. Cafodd y First Fife ei greu yn yr 1920au a’r MSOD cyntaf yn yr 1930au, pan oedd hwylio ar ei anterth. Fel clwb rydym yn falch o fedru rhannu ein hangerdd tuag at ein hamgylchedd naturiol a’r brwdfrydedd tuag at y cychod hwylio godidog hyn. Read More

Byddwch yn barod am Daith Cychod Antur Rhif 1 Ynys Môn

Os ydych yn chwilio am argymhelliad ar gyfer diwrnod allan llawn hwyl i’r teulu, fel arfer ni fyddech yn trafferthu edrych ymhellach na trip advisor am ychydig o adolygiadau ‘di-flewyn ar dafod’ gan unigolion o’r un meddylfryd Felly mae Rib Rides ym Mhorthaethwy yn eich annog i fynd ar safle trip advisor yn awr a darllen yr adborth am eu teithiau cychod antur a phenderfynu dros eich hun os ydych yn dymuno ‘rhoi cynnig arni’.

ribride

Diolch i’r adborth canmoliaethus gan eu gwesteion, mae Rib Rides wedi derbyn dros 300 o adolygiadau rhagorol yn cyfeirio at eu teithiau cwch sy’n gwibio i fyny ac i lawr y Fenai. Read More

Adolygiadau ymwelwyr

Dyma ychydig o adolygiadau gan ymwelwyr Gŵyl Bwyd Môr Menai yn ystod y blynyddoedd sydd wedi mynd heibio:

“Hoffwn longyfarch bob un ohonoch am ddiwrnod wedi’i drefnu’n rhagorol ddoe – llwyddoch i gynnwys y gymuned leol gyfan a denu torfeydd o ymwelwyr ac roedd y dalwyr stondinau yn gwneud masnach ffyniannus, llwyddiant i bawb!” – Maggie Roberts

“Dim ond eisiau dweud da iawn pawb! Cawsom ddiwrnod gwerth chweil yn yr Ŵyl, awyrgylch gwych, bwyd gwych, a stondinau gwych! Roedd y bwyd ffres yn anhygoel, yr arddangosiadau coginio yn ysbrydoliaeth ac roedd yna fwrlwm yn yr holl ddigwyddiad. Roedd pawb i’w gweld yn hapus (roedd y tywydd o’n plaid) ac fe adawom yn grediniol, mi fyddwn yn ôl y flwyddyn nesaf. Yn amlwg roedd llawer o ymdrech a pharatoi wedi’i wneud ymlaen llaw; roedd y canlyniad yn dweud y cyfan.” – Nick a Raid Rushbrooke

“Da iawn! Diwrnod penigamp. Wedi’i drefnu’n dda iawn, llawer o bethau gwych i’w gweld a’u blasu. Llongyfarchiadau i bawb!” – Rebecca Whitfield

­Ond peidiwch â chymryd ein gair ni yn unig! Dewch draw i’r ŵyl eleni ar ddydd Sadwrn 22 Awst 2015 a chanfyddwch drosoch eich hun.

Chateau Rhianfa wedi ei enwi’n ‘Fwyty Gwesty Gorau’r Flwyddyn 2015′

Enillodd un o noddwyr premiwm eleni, Chateau Rhianfa, wobr ‘Bwyty Gwesty Gorau’r Flwyddyn’ yn ddiweddar yn y seremoni agoriadol a gynhaliwyd yng Nghaerdydd.

Chateau Rhianfa

Daeth y gwesty a’r bwyty ysblennydd hwn, sy’n edrych dros y Fenai, i’r brig er gwaethaf cystadleuaeth gryf o blith miloedd o enwebeion eraill yn y digwyddiad a gynhaliwyd yng Ngwesty Holland House Mercure Caerdydd ar y 12fed o Fai 2015.

Dywedodd Martin Page, rheolwr cyffredinol Château Rhianfa ei bod yn anrhydedd derbyn y fath wobr llawn bri, “Yr ydym yn hynod falch dweud bod Ynys Môn bellach yn gartref i Fwyty Gwesty Gorau Cymru, a heb amheuaeth, talent a gwaith caled Andrew a’i dîm sy’n cynnig bwyd a gwasanaeth o’r safon gorau i giniawyr, sydd i’w gyfrif am hynny.”

Canmolwyd Chateau Rhianfa am y profiad ciniawa o safon uwch a gynigir i’w cwsmeriaid, tra’n gweini cynhwysion lleol, lle bo’n bosibl, gan gynnwys pysgod ffres a chimwch o’r Fenai. Bydd cynnyrch lleol o’r fath yn cael ei arddangos yng Ngŵyl Bwyd Môr Menai eleni gyda sioe o samplau bwyd i dynnu dŵr i ddannedd ein tyrfaoedd o ymwelwyr. Bydd y tîm talentog o Chateau Rhianfa hefyd yn cynnig arddangosiadau coginio byw i ysbrydoli’r gymuned leol i fwrw ati i goginio, gan ddefnyddio’r cynnyrch o safon uchel sydd wrth garreg eu drws.

Am ragor o wybodaeth am Chateau Rhianfa ewch at: www.chateurhianfa.com