Afraid dweud drwy Ŵyl Bwyd Môr Menai 2015, fe wnaiff ymwelwyr sylweddoli pa mor fendithiol yr ydym o allu cael y fath safon uchel o bysgod lleol a bwyd môr ar ein glannau. Fodd bynnag, hoffem i bob un ymwelydd allu mynd â’r teimlad hwn gartref gyda nhw i rannu gyda ffrindiau ac anwyliaid. Dyna pam y byddwn yn cyflwyno arddangosiadau coginio byw drwy’r dydd gan gogyddion arobryn ac arbenigwyr ar fwyd môr i ysbrydoli ein rhanbarth i goginio tra’n gwneud y mwyaf o gynnyrch lleol o safon uchel.

Mae Grŵp Gweithredu Lleol Gwynedd a Môn, ynghyd â phrif noddwyr y digwyddiad, wedi’n cynorthwyo ni i ddod â detholiad na allwch eu methu, gyda rhai yn weithwyr proffesiynol o’r diwydiant, sy’n sicr o annog aelodau’r cyhoedd i drio’r ryseitiau adref.

Un uchafbwynt, diolch i Blas Rhianfa ein prif noddwr, fydd eu Prif Gogydd, Andrew Sheridan, yn dod â dŵr i’n dannedd gyda’i rysáit Tiwna Yuzu o Asia. Mae Andrew yn adnabyddus am ddal pysgod cregyn ffres yn Afon Menai i weini i westai bodlon Plas Rhianfa. Mae ei waith fel Prif Gogydd ym Mhlas Rhianfa wedi eu cynorthwyo i gael lle yng Nghanllaw Michelin.

Mae uchafbwyntiau eraill yn cynnwys Rowan Clark o Goleg Menai, Bryan Webb o Dyddyn Llan, Michael Evans o Dîm Coginio Cymru, Ellis Barrie o The Marram Grass a Lisa Fearn o Pumpkin Patch gyda’i harddangosiadau coginio i annog plant i ymuno hefyd!

Am ein hamserlen lawn o arddangosiadau coginio ac i lawrlwytho cardiau rysáit, cliciwch yma.